ಭಯೋತ್ಪಾದಕ ಮೊಸಾಬ್ ಹಸನ್ ಯೂಸೂಫ್ ಅವರ ಆತ್ಮಕಥೆ ‘ಸನ್ ಆಫ್ ಹಮಾಸ್’ ಎಂಬ ಇಂಗ್ಲಿಷ್ ಕೃತಿಯನ್ನು ಲೇಖಕ -ಪತ್ರಕರ್ತ ಅಜಿತ್ ಹನುಮಕ್ಕನವರ್ ಕನ್ನಡಕ್ಕೆ ಅನುವಾದಿಸಿದ್ದಾರೆ. ಹಮಾಸ್ ಎಂಬುದು ಉಗ್ರಗಾಮಿ ಸಂಘಟನೆ. ಅದರ ಸಂಸ್ಥಾಪಕ ಸದಸ್ಯ ಯೂಸೂಫ್ ಹಸನ್. ಈತನ ಮಗನೇ ಮೊಸಾಬ್ ಹಸನ್. ಇಸ್ರೇಲಿನ ಒಬ್ಬ ಯಹೂದಿಯನ್ನು ಕೊಲ್ಲುವ ಮೂಲಕ ಜನ್ನತ್ ( ಸ್ವರ್ಗ) ಪಡೆಯಲು ಹಂಬಲಿಸಿ, ಒಂದು ಬಂದೂಕು ಪಡೆದಾಗ ಈತನ ವಯಸ್ಸು ಬರೀ -18. ಹೀಗೆ ಭಯೋತ್ಪಾದನೆ ಸಂಘಟನೆಯಲ್ಲಿ ಸಕ್ರಿಯವಾದ ಮೊಸಾಬ್, ಇಸ್ರೇಲಿ ಬೇಹುಗಾರಿಕಾ ಪಡೆಯಲ್ಲೂ ಏಜೆಂಟ್ ಆಗಿ ಕೆಲಸ ಮಾಡಿದ್ದ. ನಂತರ ಆತ ಅಮೆರಿಕಕ್ಕೆ ಶರಣಾದ. ಆದರೆ, ಆಲ್ ಖೈದಾ ಭಯೋತ್ಪಾದನಾ ಸಂಘಟನೆಯು ಈತನ ಹತ್ಯೆಗೆ ಫತ್ವಾ ಹೊರಡಿಸಿತ್ತು. ಇಂತಹ ಸಂಗತಿಗಳನ್ನು ಒಳಗೊಂಡ ಕೃತಿ ಇದು.